Фронтменот на Prodigy, Кит Флинт пронајден мртов во својот стан

Кит Флинт (49), фронтменот на Prodigy, утрово е пронајден мртов во својот дом во Есекс, место на северозападот од Лондон, пишуваат британските медиуми. За сега не е наведена причината за смртта. Лекарските екипи кои биле повикани на местото, не можеле да му помогнат на пејачот кој не давал знаци на живот и само ја констатирале смртта.

Prodigy станаа светски ѕвезди во деведесетите години на минатиот век и од андерграунд рејв состав за кратко време станаа едни од најголемите светски бендови.

Флинт беше еден од највпечатливите изведувачи, а енергичните настапи, лудачките фризури, тетоважи, пирсинзи беа негов заштитен знак. Роден е во Редбриџ, источен Лондон каде како деца се запознаваат со Лијам Хаулет со кого ќе го оформи Prodigy.