Францускиот Амбасадор кај Бејта – Го делат ставот: Нова Влада што поскоро!

„Што побрзо да се формира Влада, која ќе биде прифатлива за мнозинството граѓани во нашата држава. Правдата, слободата, рамноправноста, да си дојдат на свое место и да се зацврсти демократијата. Што поскоро се формира Влада, тоа ќе биде подобро за сите граѓани и ќе оди во прилог на целото општество“, ова е изјавата која денес ја даде потпретседателот на ДУИ и градоначалник на Гостивар, Незват Бејта откако во својот кабинет оствари средба со Амбасадорот на Франција во Р.Македонија, Кристиан Тимоние.

И Амбасадорот во својата изјава искажа ист став, дека на Македонија и е потребна Влада во најскоро време: „Нема потреба да се драматизираат работите, државата не е во состојба на криза. Сепак, ние како Амбасада остануваме на ставот дека не треба да се губи време, треба да се формира Влада што побрзо и земјата да продолжи со напорите за зацврстување на мирот, демократијата и слободата. Водени од искуството од минатото, ние како општетсво не треба да поддржуваме креирање на кланови, туку да дадеме придонес граѓаните да бидат на прво место“, изјави Амбасадорот Тимоние.