Фројденберг (Fraudenberg), гратче како од бајките

Фројденберг е мал средновековен град кој се наоѓа во германската сојузна држава Северна Рајна – Вестфалија. Зазема површина од 54,5 километри квадратни и има нешто помалку од 20.000 жители.

Најпознатиот дел од Фројденберг е стариот дел од градот наречен “Alter Flecken“, кој се состои исклучиво од полудрвени куќи кои ги има околу педесетина. Безмалку сите куќи се со иста големина и изглед, а повеќето датираат од 17-ти век, кога градот морал да биде обновен поради големиот пожар кој го зафатил.

Алтер Фликен и неговите куќи се многу познати и надвор од регионот. Центарот на градот е вклучен во Kulturatlas des Landes Nordrhein-Westfalen (Културен атлас на државата Северна Рајна – Вестфалија) и е признат како „Споменик од меѓународно значење“.

Поради историското наследство и убавите шумски предели кои се простираат околу градот, во Фројденберг туризмот е доста развиена гранка. Благата и нежна клима привлекува бројни љубители на природата, планинари, велосипедисти кои можат да уживаат во прошетката околу градот на патека долга 160 km. Меѓу другото може да се посети Музејот на технологијата и да се истражи индустриската историја или да се ужива во едно од многуте збиднувања на отворени сцени низ градот, се разбира во текот на летниот период.