Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 02/12/2018

Фудбалската селекција на Македонија ги доби противниците за ЕУРО 2020

Денеска во Даблин се одржа ждрепката за квалификациите за Европското првенство 2020 година.

Македонија е во групата Г, противници на нашата репрезентација се Полска, Австрија, Израел, Словенија и Летонија.

Натпреварите од квалификациите за континенталниот собир ќе се одиграат во периодот помеѓу март и ноември 2019 година. Првопласираните две репрезентации од секоја група ќе обезбедат пласман на завршниот турнир, кој во 2020 година ќе се одржи во 12 различни земји.

По извлекувањето на групата селекторот на Македонија Игор Ангеловски изјави:

“Мислам дека добивме група во која се наоѓаат релативно израмнети репрезентации. Македонија влегува со нескриени амбиции, а притоа респектирајќи ги сите противници. Македонија не стравува од никого и може да се спротивстави на сите противници, само сплотено, тимски и со огромна поддршка од јавноста. Ние ќе одиме од натпревар во натпревар и се надевам дека ќе стигнеме до крајната цел, а тоа е пласман на Европското првенство. Откако ќе го дознаеме распоредот ќе започнеме со сите потребни активности за анализа и подобра подготовка на квалификациите”.

Останататите групи ги сочинуваат:

Група А: Англија, Чешка, Бугарија, Црна Гора, Косово
Група Б: Португалија, Украина, Србија, Литванија, Луксембург
Група Ц: Холандија, Германија, Северна Ирска, Естонија, Белорусија
Група Д: Швајцарија, Данска, Република Ирска, Грузија, Гибралтар
Група Е: Хрватска, Велс, Словачка, Унгарија, Азербејџан
Група Ф: Шпанија, Шведска, Норвешка, Романија, Фарски Острови, Малта
Група Г: Полска, Австрија, Израел, Словенија, МАКЕДОНИЈА, Летонија
Група Х: Франција, Исланд, Турција, Албанија, Молдавија, Андора
Група И: Белгија, Русија, Шкотска, Кипар, Казахстан, Сан Марино
Група Ј: Италија, Босна и Херцеговина, Финска, Грција, Ерменија, Лихтенштајн.

Извор: ФФМ

 

Оставете коментар

Вашата Емаил адреса нема да биде објавена.Задолжителните полиња се означени *

*