fbpx
Поврзи се со нас

Гостивар

Гасоводот Скопје-Тетово-Гостивар е изграден 66%, ќе се комплетира следната година

Објавено

на

Премиерот Зоран Заев заедно со министрите за економија Крешник Бектеши, за транспорт и врски Благој Бочварски и директорот на Национални енергетски ресурси Бајрам Реџепи, денес направи увид во работите на магистралниот гасовод Скопје-Тетово-Гостивар. Од таму изјави дека гасоводот ќе биде готов во втората половина на 2021-ва година.
„Денеска сме на терен за да го видиме и да го охрабриме напредокот на работите на кракот од магистралниот гасовод Скопје – Тетово – Гостивар. Овој магистрален гасовод е дел од гасификацијата, односно изградбата на преносниот систем за гас во целата држава, како еден од врвните приоритети на Владата на Република Северна Македонија, од посебен и исклучителен интерес на граѓаните и на стопанството на нашата земја. Од увидот во работите констатиравме дека делницата Скопје – Тетово – Гостивар, во должина од 86 километри, заклучно со септември оваа година, е реализирана на ниво 66 проценти, со проценки дека целосно ќе биде завршена во втората половина на идната година, вклучувајќи ја и изградбата на мерните станици и краците кон градовите.“, рече Заев.

Бектеши истакна дека изградбата на гасоводот е најприоритетен проект во енергетиката во државата, а паралелно се работи на воспоставување на јавно-приватно партнерство за изградба на дистрибутивната гасоводна мрежа.

“Ова ќе овозможи пониски цени за енергенси за индустријата и стопанството, а компаниите ќе станат поконкурентни со што ќе ги намалат нивните трошоци во делот на снабдување со енергенси, но дополнително ќе им овозможи и на граѓаните можност на снабдување со природен гас”, кажа министерот.

Бочварски потенцираше дека се вложени сите расположливи капацитети за интензивно решавање на имотно-правните односи и забрзување на постапките за експропријација и одобрување на проектите за инфраструктурната гасификација на земјата, која  ќе придонесе за намалени емисии на штетни гасови, а со тоа и за почист воздух и поздрава животна средина, од бенефит не само за нас, туку и за идните генерации.

„Во моментов за изградба на двата магистрални гасоводи се реализираат инвестиции во висина од околу 65 милиони евра од кои 29 милиони за изградба на кракот од Скопје кон Гостивар и 36 милиони евра за изградба на гасоводот од Неготино до Битола“, рече Бочварски.

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!