Генерално чистење на Гостивар во сабота

Гостивар и годинава се приклучува на еколошката акција „Генералка викенд“. Во сабота (13-ти мај) организирано ќе се чисти на повеќе локации во градот.

„Акцијата има за цел да се подигне јавната свест за потребата од собирање и рециклирање на отпадот и позитивно да се влијае на заштитата на животната средина“, велат од локалната самоуправа, кои се партнери во спроведувањето на активностите.

Носител на акцијата е Здружението „Мen and Mountain“ , а освен Општина Гостивар поддршка ќе даде и OO Црвен крст.

Збирното место е пред општинската зграда во 10 часот и 30 минути. Организаторите упатуваат повик до граѓаните што помасовно да се вклучат во акцијата.