Гостивар

Гимназијалците во Гостивар го одбележаа Светскиот ден на мирот

Објавено

пред 3 години

на

21/09/2021

Од

Gostivarpress.mk

По повод Светскиот ден на мирот, 21 септември во средното општинско училиште (гимназија) Гостивар беа организирани повеќе активности во знакот на промоција на позитивните вредности. Учениците учествуваа во мултиетнички работилници на кои ги искажаа своите креативни идеи, во насока на мирно, еколошки чисто и праведно опкружување.

„Учениците испратија пораки поврзани со важноста на личната и колективната одговорност и побараа мир во училиштето, училиште без дискриминација, училиште со слух за потребите на учениците, чисто училиште и училиште во кое одговорноста за мирот е обврска на наставниците, учениците и сите вклучени во менаџирањето на училиштето . Исто така, тие испратија јасна порака дека одговорноста се учи од најрана возраст во училиште и дека само одговорен ученик може да биде одговорен граѓанин и да придонесе во градење на праведно и здраво општество.“, информираа од училиштето.

Активноста е дел од проектот Мировно образование, поддржан од Првата детска амбасада во светот Меѓаши, а се одржа под мотото “Поттикни мир-преземи одговорност”.