Гостивар
Главната Пошта во Гостивар ги отвори шалтерите за уплата – Апел да се почитуваат антиковид мерките
По неколку месеци пауза, од денес граѓаните повторно може да плаќаат сметки, фактури и да вршат други плаќања на шалтерите на Пошта. Во Гостивар за сега уплати може да се вршат само во главната пошта, којашто се наоѓа кај Саат Кулата. Системот е имплементиран согласно договорот со новиот партнер Халкбанка, а првата недела ќе биде тест период за да се остранат евентуални пречки и недостатоци, појаснуваат наделжните. Од Пошта Гостивар апелираат на почитување на мерките за заштита против ковид и задолжително поседување лична карта при уплата.
„Денес официјално почнавме со сите уплати. Првата недела е тест период, имаме нов партнер и не е истата апликација, мора нешто да тестираме, да не се јават некои пречки, да се провери дали е се во ред. Сакам да нагласам дека без лично доаѓање, без носење лична карта нема да се вршат никакви уплати. Исто така, апелираме граѓаните да ги почитуваат мерките за заштита против коронавирус, да не се туркаат, да не се создаваат гужви, јасно е напишано на влезната врата по колку луѓе може да влегуваат во салата за плаќање. Со часови чекале пред банките, а за во Пошта не се навикнати да чекаат. Ние ќе се потрудиме да ги услужиме сите што побрзо, но мерките мора да се почитуваат. Друго што треба да се знае е дека моментално уплата може да се врши само во главната пошта, кај Саат Кулата, но тоа не значи дека така ќе остане и понатаму. За брзо време плаќања ќе може да се вршат и во другите банки“, рече Бетим Мехмеди, директор на Пошта на С.Р.М., подружница Гостивар
Провизиите при плаќања во Пошта се пониски отколку во банките. За уплати до 2.000 денари провизијата е 35 денари, додека за фктури за струја и телекомуникациски услуги помали.
Според најавите, наскоро коминтентите на Халкбанк на шалтерите на Пошта ќе можат да вршат и директни плаќања од своите сметки, а ќе бидат овозможени и други банкарски услуги.
Платниот промет преку Пошта беше прекинат по прогласувањето стечај на Еуростандард банка, која претходно имаше договор за таа намена.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар