Поврзи се со нас

Вести Гостивар

Glow Клубот од Гостивар со проект за помош на социјално ранливи семејства

 

Група млади девојки од Гостивар кои функционираат здружено како Glow Клуб подготвуваат активности со кои ќе им се помогне на социјално загрозени смејства. Проектот се реализира во рамки на поширока програма,  наречена impACT која има за цел да ги активира младите во решавање на општествените проблеми и од која клубот доби грант.

Glow Клуб во Гостивар е активен три години и во него членуваат девојчиња од повеќе возрасти и од различна религиска и етничка припадност. „Целта на клубот е да им помогне на девојчињата да се запознаат самите себеси, да се здобијат со поголема самодоверба и да ги охрабри да станат лидери во општеството, давајќи им основа за како тоа да го направат преку претходно оддржани часови поврзани со градење на тимови, организација, екологија, медиуми, човекови права, но и преку разни забавни активности со кои добиваат можност подобро да се запознаат меѓусебе и изградат мрежа на контакти. Голема поддршка добиваме од машката верзија на GLOW Клубот- YMLP Club со коишто соработуваме и заеднички држиме определен број на часови “, велат од клубот.

Во подготовка на проектите и во усовршување на англискиот јазик, на девојчињата им помагаат Александар и Џеса, американски волонтери кои престојуваат во Гостивар. Клубот, во кој членството е бесплатно ги поканува сите заинтересирани девојчиња од 14 до 18 години да им се придружат.

Сподели:
Advertisement
Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!