Вести
Го тужат својот син единец оти не им дал внуче

Брачна двојка од северната индиска сојузна држава Утараканд го тужат својот син единец и неговата сопруга затоа што не им родиле внуче по шест години брак.
Санџеев и Садана Прасад велат дека ги потрошиле своите заштеди за својот син, плаќајќи му ја обуката за пилот (којашто чини над 60.000 евра), како и за раскошната венчавка… Сега тие бараат отштета за „психичко тормозење“, во вредност од околу 625.000 евра доколку не се роди внуче во рок од една година.
– Мојот син е шест години в брак, но тие сѐ уште не планираат бебе… Барем да имавме внуче со кое ќе минуваме време – нашата болка така ќе стане поднослива, изјави г-н Прасад.
Синот и неговата сопруга засега сѐ уште немаат коментар за сѐ ова.
Шри Сагар (35) се вратил во Индија во 2007 година, останал без работа и неговото семејство морало финансиски да го издржува повеќе од две години, пишува „Тајмс оф Индија“. На крајот се вработил како пилот, а неговите родители велат дека го договориле неговиот брак со Шубханги Синха, во 2016 година, со надеж дека ќе имаат „внуче со кое ќе си играат“ уживајќи во пензијата.
Родителите велат и дека свадбата во хотел со пет ѕвезди, со луксузен автомобил од 80.000 долари, како и медениот месец во странство – биле на нивна сметка.
Адвокатот на родителите изјави дека парот ги побарал парите „поради психичка суровост“.
– Сон на секој родител е да стане баба или дедо. Тие со години чекаа да станат баба и дедо!, истакна правниот застапник.
Претставката поднесена во градот Харидвар, се очекува да биде разгледана од судот на 17 мај.
-
Бизниспред 1 месец
ЛЕАР Тетово вработува
-
Гостиварпред 2 недели
Девизниот курс денес според приватните менувачници во Гостивар и НБРМ
-
Македонијапред 2 месеци
Православните одбележуваат Велики Петок, тажниот ден на распнувањето на Исус
-
Македонијапред 2 месеци
Зошто Велигден не е секоја година на ист датум – како се пресметува?
-
Македонијапред 2 месеци
Православните верници слават Благовештение
-
Гостиварпред 3 месеци
ОСМОМАРТОВСКИ СО БЕЛИНДА ТУКСАР ЛОТЕСКА, началничка на Отсек за криминалистичко разузнавање, статистика и документирање во ОВР Гостивар
-
Вестипред 2 месеци
Вo Здравствен дом Ростуше дијагностика и интервенции со современа апаратура за пациентите од цел регион
-
Македонијапред 1 месец
Здружението на историчарите бара враќање на Историјата за VI одделение