Гостивар
Годинава 4,8 милиони денари за нови дрвца, цвеќе и украсна трева во Гостивар
Нови садници и цветен расад, реконструкција на дел од градскиот парк, подигнување на нови зелени површини во селата, хортикултурно уредување во дворовите на училиштата. Ова се дел од активностите предвидени во Програмата за работа на Јавното претпријатие за паркинзи и зеленило во Гостивар, за 2020-та година.
Вкупниот буџет за зеленило изнесува 15 милиони денари, од кои околу 4,8 се планирани за набавка на дрвца, цветен расад, украсни грмушки и трева и слично. Останатите средства се за тековно одржување и плати на вработените.
„Во текот на оваа година имаме планирано целосно реновирање на градскиот парк во делот кај болницата. Тука ќе се засадат нови дрвца, ќе се средат тротоарите и ќе се постави ново осветлување. Лани во градскиот парк беа отстранети седум стари ризични дрвја, пред почетокот на зимската сезона беа засадени 32, а годинава планираме да продолжиме со уште 150 нови садници. Минатата година почнавме со изградба на паркови и во руралните средини, поточно во Балиндол и во Равен, а оваа година истото ќе го направиме и во други села, кадешто има услови и локации за такво нешто“, рече Беким Челебиу, директор на ЈП за паркинзи и зеленило. Во паркот меѓу другото, ќе се засадуваат дрвца од видот: јавор, смрека, липа и див костен. Гостиварското претпријатие за паркинзи и зеленило покрива површина од над 745 илјади метри квадратни, од кои 403 илјади во градот, а останатото вонградско зеленило.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk