Гостивар
Годишно во земјава кај 150 жени се дијагностицира рак на грло на матката
Статистиката на Регистарот за рак покажува дека секоја година во нашата држава се појавуваат околу 150 нови случаи на рак на грлото на матката, а во просек умираат од 30 до 40 жени од оваа болест годишно, соопшти Институтот за јавно здравје по повод Неделата на борба против рак на грлото на матката.
ИЈЗ е вклучен во активностите за превенција на т.н. цервикален канцер од самиот почеток на спроведување на скринингот, пред околу 15-тина години. Активностите се состојат во: спроведување на кампањи, одбележување на jануари како месец на подигање на свеста за можностите за превенција на ракот, одбележување на Европската недела за борба против овој рак во последната недела од јануари со подготовка на стручни материјали, учество на експерти од Институтот во работата на Комисијата за скрининг при Министерството за здравство во процесот на креирање и мониторирање на превентивната програма, водење на здравствената статистика со прибирање и доставување на податоци за морбидитет и морталитет од цервикалниот канцер, како во светот, така и во нашата држава на сите заинтересирани организации и установи итн.
Откако е започнат редовниот бесплатен скрининг на жените од 24 до 61 годишна возраст на секои 3 години, во просек годишно се опфаќаат околу 10% од соодветната возрасна група жени, околу 60% се тестираат од вкупно поканетите жени, пришто се прават во просек околу 24 000 ПАП тестирања и се откриваат околу 10% епителни клеточни абнормалности во вкупно цитолошки анализираните брисеви.
„Се надеваме дека кризата со пандемијата од КОВИД19 ќе помине набргу, и многу поголем број жени ќе имаат можност да направат бесплатни тестирања со ПАП тест или ХПВ тест за рано откривање на цервикалниот канцер, во неговите рани стадиуми, со што навремено ќе се обезбеди соодветен третман и лекување,ќе се продолжи животот, но и ќе се подобри квалитетот на животот на жените.“, се вели во изјавата на директорот на ИЈЗ, Шабан Мемети.
Во 2019 г. во болнички услови се лекувале 380 случаи или 3,7 на 10 000 жени, кои оствариле 2890 болнички денови, односно 7,6 денови изнесувал просечниот престој во болница на секоја заболена жена.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар