Ѓоковиќ денеска против Алкараз во големото финале на Вимблдон

Најдобриот тенисер на сите времиња Новак Ѓоковиќ денеска од 15 часот ќе го игра финалето на Вимблдон против Шпанецот Карлос Алкараз, меч кој е реприза на минатогодишното финале и дуел кој може да има огромно влијание во целата историја на светскиот тенис.

Денеска Ѓоковиќ има шанса да го подобри сопствениот рекорд, да ја освои 25. Грен слем титула и дополнително да му избега на Рафаел Надал (22).

Србинот ја посакува и својата осма титула на Вимблдон, колку што освои рекордерот на „Ол Ингланд Клуб“, Роџер Федерер.

Ова ќе биде шести меч меѓу најдобриот тенисер на сите времиња и младиот предизвикувач кој со право се надева дека може да ги достигне височините на кои се наоѓа Ѓоковиќ.

Србинот води со 3:2 во победи, а славеше на последните два дуели кои се одиграа по ланската победа на Алкараз во финалето на Вимблдон со 3:2 (1:6, 7:6(8:6), 6: 1, 3:6, 6:4) за четири часа и 42 минути, што е второ најдолго финале во историјата на единствениот Грен слем на трева.

Од оваа перспектива можеби изгледа неважно, но исходот од денешниот меч може да се покаже како клучен во иднина за рекордот за најмногу освоени грен слем пехари.

Ѓоковиќ (37) има 24, а Алкараз (21) „само“ три, но имајќи предвид дека во неговата генерација во наредните години само Јаник Синер може да го спречи да освои грен слем купови, Шпанецот би можел да има отворен пат кон го порази рекордот на Ѓоковиќ по број на најважни пехари доколку слави денеска.