Голем пех за КК Гостивар, Ијасу Ворку надвор од терените 9 месеци

Најдобриот играч на КК Гостивар, воедно и еден од најдобрите странци кои заиграле во македонската кошарака, Ијасу Ворку се здоби со тешка повреда и ќе биде надвор од терените 6 до 9 месеци.

Популарниот „Су“ се повреди на мечот одигран во саботата против Кожув во Гевгелија, кога при една контра се пожали на болки во коленото.

Според лекарските прегледи (магнетна резонанца) покажаа дека се скинати предните вркстени лигаменти на десното колено. Американецот ќе мора итно да биде опериран, а во тој случај заедно со рехабилитацијата паузата ќе трае меѓу шест – девет месеци.