Голем пожар ја зафати Далмација, се евакуираат жители и туристи

Голем пожар беснее во Далмација со кој пожарникарите се борат веќе неколку часа. Гори во Гребаштица кај Шибеник, а силниот ветер го отежнува гаснењето. Изгореа автомобили, пожарот стигна и до куќи, поради што дел од населението се евакуира, јавува ХРТ.

Во гаснењето на пожарот кој избувна утрово кај Гребаштица во моментов се активни 155 пожарникари, 57 возила, 3 Кандери, 2 Ер трактори, а на пат се уште два Ер трактори. Нумеричката сила на теренот постојано се зголемува, а ангажирани се пожарникари од Шибеничко-книнската, Сплит-Далматинската и Задарската жупанија.

Според информациите од хрватските медиуми засега тешко е да се каже дали пожарот е подметнат и воопшто да се зборува за причините. Временските услови се многу неповолни. Пожарникарите се распоредени долж Јадранската магистрала над Шпарадиќ и кон Примоштен.

Полесно се повредени четири лица – тројца пожарникари и еден граѓанин, за кого пожарникарите тврдат дека доброволно дошол во зоната наа пожарот, за да го следи и да го снима гасењето.