Голем православен празник – Рождество Христово, Божик

Православните христијани во земјава денеска го слават големиот празник Рождество Христово-Божик. Во сите храмови на Македонската православна црква изутринава се одржуваат божикни литургии. 

Централното одбележување во Македонија е во Соборниот храм „Свети Климент Охридски“ во Скопје, каде архиепископот охридски и македонски г.г. Стефан ќе богослужи архијерејска литургија на Св.Василиј Велики.

Централното одбележување во полошко е во црквата „Успение на Пресвета Богородица“ во Гостивар каде со светата архијерејска литургија ќе чиноначалствува Митрополитот тетовско-гостиварски г. Јосиф.

Христос се роди, Навистина се роди!