Гостивар
Голема прослава за голем јубилеј 70 години постоење – НП Маврово воодушевува и инспирира
На пригодна свеченост, со доделување на плакети и благодарници и промовирање на нова веб апликација, НП „Маврово“ го прослави значајниот јубилеј, 70 години постоење. На свеченоста присуствуваа голем број гости, соработници, поддржувачи како и личности од јавниот и политичкиот живот.
„Ова е голем јубилеј за нас, што ни носи гордост и не` поттикнува да продолжиме да работиме во истата насока. Се чувствувам гордо и достоинствено, прво затоа што сум жител на еден од најубавите региони во нашата држава, а потоа и дека сум прв човек на установата којашто 70 години макотрпно, деноноќно се грижи и ја чува природата. Сакам да ви посакам на сите пријатен престој во нашата прекрскна општина, прекрасен национален пак.“, рече меѓу другото во своето обраќање, директорот на НП, Самир Ајдини.
Претседателката на Управниот одбор на НП, Смилка Тенева осврнувајќи се на историското и природно значње на паркот, истакна дека успесите и достигнувањата се резултат на заедничките заложби на сите вработени.
„Горди сме што сме домаќини на овој значаен настан. Ја користам приликата јавно да им се заблагодарам на вработените. Јубилеј како што е овој не се постигнува преку ноќ и достигнувањата се дело и резултат на вашата работа.“
На настанот се обрати и градоначалникот на Општина Маврово и Ростуше, Медат Куртовски.
„Над 90% од Националиот парк припаѓаат на територијата на Општина Маврово Ростуше. Нашите надлежности често се испреплетуваат и ние многу добро соработуваме. Јас сум убеден дека така ќе остане и во иднина. Таа врска се градела со децении и останува како обврска и за идните генерации“, нагласи градоначалникот.
Пред присутните беше промовирана веб апликација преку која посетителите можат да извадат влезница за НП онлајн, риболовците да добијат дозвола, планинарите да ги видат и спуштат мапите на патеките и други услуги.
Поединци, компании и институции добија плакети за својот придонес во афирмација на Националниот парк Маврово.
Свеченоста беше заокружена со изложба на фотографии од конкурсот „Приказни за убавините на НП Маврово“, а претходно беа доделени и награди на авторите чии фотографии беа избрани за најдобри.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ