Големо повлекување на Кока-Кола од пазари во Европа поради високи нивоа на хлорат

Европската филијала за флаширање на гигантскиот производител Кока-Кола соопшти дека наредила големо повлекување на Кока-Кола, Спрајт, Фанта вклучувајќи ги и Fuze Tea, Fanta Cassis, Minute Maid и Hawai Tropical, откако проверките утврдиле високи нивоа на хлорат.

Повлекувањето се однесува на лименки и стаклени шишиња дистрибуирани во Белгија, Холандија, Велика Британија, Германија, Франција и Луксембург од ноември, изјавија од компанијата во Европа.

Тие тврдат дека иако „немаат прецизна бројка“, повлечени е „значителна количина“ пијалоци.

Хлоратот, кој некогаш се користел како пестицид, сега е забранет за такви цели. Супстанцијата може да се формира и како нуспроизвод кога средствата за дезинфекција на база на хлор се користат во прехранбената и водната индустрија.