Голф се запалил во Дутлок, пикап украден од двор во Добри Дол

Голф, кој се движел по улицата „Бранко Станојевиќ“ низ населбата Дутлок синоќа се самозапалил. При опожарувањето нема повредени, а причинета е штета од над 100.000 денари.

Според СВР Тетово, околу 19 часот, додека Е. М. (19) се возел со „голфот“ забележал пламен од под хаубата, набрзо застанал и се обидел да го спречи ширењето на пламенот. Набрзо, на местото пристигнало и против пожарно возило и екипата го локализирала огнот. Во опожарувањето изгореле делови од моторот, предните тркала, а оштетени биле и предната шофершајбна и дел од внатрешноста на возилото.

Пикап возило „Пежо бипер“ синоќа било украдено од дворот на М.И. од Добри Дол. Според пријавата, возилото било сопственост на неговиот брат и го оставил не заклучено, а клучевите ги оставил во бравата. Полицијата трага по возилото и крадецот.