Google денеска го слави 23-от роденден

Гугл денеска полни 23 години и го слави својот роденден прикажувајќи роденденска торта со свеќи на првата страница од пребарувачот.

Формирањето на компанијата започнало во 1997 година, и официјално било основано на 27 септември 1998 година.

Коосновачот Сергеј Брин, кој бил дипломиран студент на Универзитетот Стенфорд во 1997 година, се сретнал со другиот ко-основач, Лери Пејџ, кој во тоа време кој размислувал да се запише на универзитетот.

До следната година, тие веќе граделе интернет пребарувач во нивните студентски соби и развивале прототип.

„Секој ден имаме милијарди пребарувања на Гугл на повеќе од 150 јазици низ целата планета“, објавено е на блогот на Гугл по повод 23 -от роденден.

Компанијата потсетува дека напредува од првиот сервер, направен од детски коцки, до серверот во над 20 центри низ светот, но дека мисијата останала иста – дека секој има пристап до информациите што ги пребарува.