Гостивар е се‘ уште без вода, нема информација од надлежните до кога

Граѓаните на Гостивар од утрово немаат вода. Чешмите останаа суви и по 12 часа, а до овој момент нема информација од Јавното претпријатие Комуналец, кога ќе се пушти водата. Од претпријатието единствено попладнево околу 14 часот излегоа со кусо соопштение дека кога ќе биде пуштена водата не треба да се користи веднаш за пиење, туку само за санитарни потреби. Од тогаш нова информација нема.

Gostivarpress.mk се обиде да стапи во контакт со одговорните во Управата на Комуналец, но мобилните телефони или се исклучени или пренасочуваат на говорна пошта. На СМС пораките во кои поставивме прашање: Зошто се уште во Гостивар нема вода и кога ќе дојде?, до овој момент не добивме одговор.

Граѓаните се револтирани и реагираат дека немаат вода цел ден за основни потреби.