Гостивар го чествуваше Светскиот ден на поезијата

Дваесетина поети од различни генерации и националности беа дел од одбележувањето на Светскиот ден на поезијата во Гостивар. Настанот го организираше Центарот за култура АСНОМ, а се одржа во малата сала на установата.

„Навистина е жално што во овие денешни времиња малку се потценува моќта на поезијата, но сепак поезијата може многу да каже, може да стигне на многу места каде што не достигнал обичниот збор и се надеваме дека со еден ваков настан ке успееме да испратиме убава порака. Навистина е убаво да се поканат сите оние кои творат и да се охрабрат сите оние кои што досега не се осмелиле да го презентираат  она што го пишуваат пред други, можеби ке најдат на малку поразлични мислења и критика. Но критиката не мора да значи секогаш дека е негативна, таа може да биде позитивна и да биде давање на насока како понатака да се твори. Поезијата не познава возрасна  граница, пол, не познава етникум, поезијата зрачи, љуби, таа го обединува светот“, беше речено на одбележувањето.

Настанот беше збогатен со музичка програма. Учесниците од организаторите добија благодарници.

„Им благодариме на сите кои беа дел од одбележувањето на Денот на поезијата во Гостивар. Заеднички да се трудиме и стремиме да имаме што повеќе вакви настани во иднина“, рече Валентина Тасеска од Центарот за култура.

Одбележувањето на 21 Март во Гостивар се организираше со поддршка на Министерството за култура.