Гостивар
Гостивар го одбележува Денот на ослободувањето на градот
18-ти Ноември е во историјата на Гостивар е испишан како Ден на конечното ослободување на градот. Празникот денес го одбележа општинскиот одбор на Сојузот на борци, со положување на цвеќе и осврт за историските моменти од ослободувањето Ковид пандемијата годинава не дозволи организирање на традиционална свеченост со културно-уметничка програма и доделување признанија.
„Ослободувањето на Гостивар го поготвија и извршија единиците на 15-тиот македонски корпус од 41 и 48 дивизија и 7-мата бригада на 49 дивизија. Денес го одбележуваме најзначајниот ден од историјата на Гостивар, кога се создадени услови за слободен живот во слободна Македнија. Од тој ден нашиот град пулсира како слободен град и се движи по патеката на својот слободен развој“, истакна во обраќањето Радислав Ѓиноски, претседател на Сојузот на борци во Гостивар.
Во народно-ослободителната војна животот го загубиле 322 активни борци од гостиварскиот регион, како и 158 жртви на фашизмот. „Тие со својата жртва гранитно го цементираа темелот на слободата, затоа денес се навраќаме пред 76 години да им оддадеме почит на нашите претходници, ним им должиме траен почит и слава. На сите гостиварци каде и да се, им го честитаме празникот“, рече Ѓиноски.
Буќети цвеќе на споменикот на паднатите борци од НОВ положија делегации на боречката организација и на ВМРО-ДПМНЕ.
Чествувањето на 18 Ноември продолжи со поклонување пред споменикот на народниот херој „Чеде Филипоски-Даме“ и спомен плочата близу црквата на плоштадот во Гостивар, поставена во чест на шестмината активисти од Народноослободителната војна, кои биле стрелани во предвечерието на ослободувањето на градот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар