Гостивар и‘ оддаде почит на прерано починатата професорка Зејнепе Барди Челебиу

Денес во општинската сала на Гостивар, се одржа комеморација во чест на професорката по биологија Зејнепе Барди Челебиу, која по кратко боледување почина на 43-годишна возраст.

Го загуби животот прерано, оставајќи ги зад себе сопругот Беким Челебиу и децата Детјон и Ерин. Важеше за почитувана и посветена наставничка, еко-активист и човек со позитивна енергија, беше речено на комеморацијата.

„Зејнепе Барди Челебиу, отвори голема рана во срцата на нејзиното семејство и предизвика голема болка кај секој човек што ја познаваше, учениците и колегите. Како професор по биологија, со своето знаење и благородна душа, едуцираше ученици кои никогаш нема да ја заборават. Беше и неуморна активистка со ретко развиен концепт за заедницата во однос на животната средина и здавјето. Беше и дел на Форумот на жените на Алијансата за Албанците во Гостивар, бидејќи сакаше да придонесе за промени. Ќе ни недостига една таква личност, која беше редок и вреден архитект на животот. Сочувство до семејството, Бог нека му ги чува децата!“, рече меѓу другото, градоначалникот Арбен Таравари.

Претседателот на Советот, Бесим Мемеди, како соселанец и семеен пријател зборуваше за благородната и искрена душа на починатата, а во името на колегиумот на ОУ „Исмаил Ќемали“, каде таа работеше долги години, реферат прочита Бурим Капроли.

На присутните, со краток емотивен говор, им се заблагодарија сопругот Беким Челебиу и нејзиниот брат Шемси Барди.

Освен преку искажаните зборови на сеќавање, присутните и‘ одадоа почит на Зејнепе и со едноминутно молчење.