Гостивар и Витина, Косово со можни заеднички проекти финансирани од ЕУ

Градоначалниците на Општина Гостивар, Арбен Таравари и Општина Витина (Косово), Сокол Алити денес остварија средба и разговараа за можностите за соработка на повеќе нивоа.

„Посебно задоволство ми е што го имаме за гостин Сокол Алити, со кого разговаравме за натамошна соработка на ниво на образование, култура и евентуални инвестици на на тамошни бизнисмени, со оглед дека Витина е еден од најразвиените земјоделски региони во Косово. Разгледуваме можности и за евентуално соработка и заедничко аплицирање за проекти на Европската Унија“, изјави Таравари.

И гостинот ги потврди заложбите за развивање на соработка и партнерство меѓу двете општини.

„Чест ми е што сум во посета на Гостивар, на средба со градоначалникот. Верувам дека во иднина ќе имаме цврста соработка и ќе градиме добро партнерство. Ние веќе имаме искуство со прекугранична соработка со Куманово и Крива Паланка, а би сакале да спроведуваме проекти и со Гостивар“, рече Алити.