Гостивар има 174 активни случаи на корона, се намалува и бројот на новозаразени

Преполовен е бројот на активно заразени со коронавирус во регионот на Гостивар. Според последните податоци од Институтот за јавно здравје, вкупно ги има 174. Изминатиот период се бележи и пад на нови потврдени случаи. Од над 80, колку што ги имаше претходно на неделно ниво, бројката стигна до 50-тина.

Подобрувањето на состијбите не значи дека граѓаните треба да се опуштат, велат медицинските лица. И понатаму како превентива од ширење на вирусот се препорачува максимално почитување на мерките на заштита: маска, дистанца и хигиена.

Вкупната бројка на ковид дијагностицирани во нашата земја од почетокот на епидемијата изнесува 14600,  бројката на оздравени пациенти е 11741, на починати е 606, а во моментов бројот на активни случаи во земјата изнесува 2253.

Анализите на надлежните покажуваат дека во однос на симптомите кои се пријавени кај заболените лица, најчесто се регистрирани температура (64,8%), малаксаност (41,5%), кашлица (38,5%), главоболка (15,0%), болка во грло (14,8%), треска (11,7%), ослабен осет за мирис и/или вкус (11,1%) и отежнато дишење (10,5%).

Кај 26,4% од дијагностицираните лица не се регистрирани симптоми на заболувањето.