Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 12/07/2019 | 16:15

Гостивар ќе добие 6 нови детски катчиња од кои едно за децата со посебни потреби

Во Гостивар ќе се поставуваат нови детски катчиња, со реквизити и други забавни содржини за најмалите. Локалната самоуправа објави тендер за набавка и монтажа на вкупно шест нови игралиштата, од кои едно ќе биде специјално прилагодено за децата со посебни потреби.

Игралиштата ќе бидат опремени со лизгалки, лулашки, клацкалки, тобогани и други слични интересни, рекреативни и едукативни елементи.

Тендерот за набавка и монтажа на новите детски игралишта е отворен до 24 јули, по што ќе биде избрана најповолната понуда. Избраната фирма ќе биде ангажирана и за соодветна подготовка на теренот на локациите кадешто ќе се постават катчињата.

Несомнено оваа вест е добра за родителите и дечињата, но не треба да се занемари фактот дека детските игралишта во Гостивар редовно се уништуваат, а реквизитите брзо остануваат преполовени и нефункционални.

Тоа го потврдуваат и граѓаните. Тие сметаат дека се потребни што повеќе детски катчиња за забава и апелираат игралиштата да се чуваат, да се покаже поголема свест и внимание кон простор кој е наменет за забава на децата.

Во изминатиот период гостиварската општина вршеше обнова и поправки на реквизити на постоечките детски игралишта.

Напишете коментар