Гостивар ќе добие Центар за професионален и личен развој на младите

Во Гостивар наесен ќе биде отворен Центар за млади, кој ќе има за цел да и` помага на младата популација во професионалниот и личен развој. Центарот ќе работи на спроведување на програми за лидерство, поддршка за градење кариера, претприемништво, а во него ќе се одржуваат и разни креативни, културни настани и воннаставни активности за учениците.

Проектот ќе го реализираaт организацијата Democracy Lab и општина Гостивар, кои за таа цел потпишаа Меморандум за соработка. Финансиска поддршка е обезбедена од Амбасадата на САД во Македонија.

„Центарот ќе придонесе за развој на заедницата, создавање на нови генерации на граѓани кои се активни и свесни за нивните граѓански одговорности права и ќе помогне да се зголеми социјалната кохезија во Гостивар. Преку промовирање на толерантно општество и мултикултурните вредности ќе се придонесе за надминување на предрасудите, спречување на насилства од било кој тип и форма меѓу граѓаните, особено меѓу младите“, објасни Сефер Селими, директор на Democracy Lab.

Градоначалникот на Гостивар Арбен Таравари истакна дека овааиницијатива заслужува да биде поддржана и дека општината е подготвена во иднина целосно да го преземе финансирањето на проектот.