Гостивар
Гостивар ќе добие уште една градинка – потпишан договор за грант од 30 милиони денари
Во Гостивар ќе се гради нова градинка со капацитетот од 100 деца. Со ова се очекува целосно да бидат задоволени потребите и барањата на родителите за згрижување на децата во градинките. Новиот објект ќе се доградува во склоп на веќе постоечкиот „Цветови“.
За таа намена, Министерството за труд и социјала обезбеди грант за општината од 30 милиони денари. Договорот денес во Скопје го потпишаа министерката Јагода Шахпаска и градоначалникот Арбен Таравари.
„Општина Гостивар како опозициска општина имаше фантастична соработка со Министерството за труд и за среќа продолжуваме да имаме прекрасна соработка и со новата министерка, затоа и успесите на терен ги има. За овие 3 години како сме на чело на општината имаме 4 нови градинки и еве денес потпишуваме договор за уште една. Тоа е огромен успех за една урбана општина. Имавме околу 350 деца на листа на чекање, сега се околу 200, но и таа бројка е со оглед на скратените капацитети заради протоколите. Мислам дека со новата градинка и со работа со полн капацитет во Гостивар веќе ќе нема листи на чекање“, изјави градоначалникот.
Министерката нагласи дека поддршката од општините е неопходна за да се реализираат проекти во корист на децата.
„Со проширувањето на постоечките објекти и изградба на нови, работиме посветено да го подобриме квалитетот на предучилишното образование. За нас децата се врвен приоритет и секако неопходна е подршката на општините заеднички да ги движиме работите во вистинска насока.“, изјави Шахпаска.
Од повторното отворање на градинките во Гостивар, до сега биле потврдени два позитивни случаи на коронавирус, една воспитувачка и едно дете. „Во градинките во Гостивар максимално се почитуваат протоколите за заштита, затоа и нема високи бројки на заразени. Навистина доколку сите се придржуваат до мерките доследно, вирусот нема да се шири“, рече Таравари.
Министерката Шахпаска информираше дека на ниво на држава во градинките вкупно до сега биле регистрирани 109 вработени и 33 деца позитивни на ковид. Таа нагласи дека состојбата секојдневно се следи и дека за сега е под контрола.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk