Гостивар – кривични против повеќе лица за изнуда и измама

Надворешната канцеларија за криминалистички работи Гостивар поднесе кривична пријава против 34 годишен гостиварец, поради постоење основи на сомнение за сторено кривично дело „изнуда“ и против двајца жители на Лакавица, на возраст од 48 и 28 години, поради постоење основи на сомнение за сторено кривично дело „помагање“ во врска со кривично дело ,,изнуда“. МВР соопшти дека на 29.12.2020 во Гостивар, пријавените сретнале жител на Добридол, при што  гостиварецот со закана му ја одзел патната исправа на, како гаранција дека ќе му го врати наводниот долг од 30.000 евра, од периодот кога имале заедничка фирма. Лицата од Лакавица биле присутни, но не реагирале и не пријавиле и покрај тоа што знаеле дека се врши кривично дело.

Надворешната канцеларија за криминалистички работи Гостивар поднесе кривична пријава против 33 годишник од Кичево, поради постоење основи на сомнение за сторено кривично дело „измама“. МВР соопшти дека на 16.07.2020, пријавениот се договорил со такси возач од кичевско за одредена сума да го однесе до Гостивар и да го врати назад. Во Гостивар пријавениот му го побарал на такси возачот мобилниот телефон да направи телефонски повици, се оддалечил од местото и не се вратил. Откако оштетениот сфатил дека бил измамен, пријавил во Полициската станица Гостивар.