Гостивар меѓу градовите со најмногу грипосани

Лекарите имаат полни раце работа периодов. Амбулантите во Гостивар се преполни со пациенти кои имаат симптоми на сезонски грип и вирози. Најчесто се жалат на болки во грлото, растечен нос, покачена температура, кашлање и други респираторни тегоби. Според официјалната статистика Гостивар е на трето место по потврдени случаи на грип. Реалните бројки пак се многу поголеми, со оглед дека не сите се пријавуваат.  Во последнито извештај на Институтот за јавно здравје за периодот од 12 до 18 декември во земјава регистрирани се вкупно 111 заразени со грип, што е скоро 20% повеќе од претходната недела.

Заболените се пријавени од во Дебар – 35, Тетово – 31, Гостивар – 14, Скопје – 12, а во Прилеп, Струмица, Кавадарци, Куманово, Битола, Македонски Брод и Штип, бројот на пријавени е помал од 10.

Во однос на возраста, 49 лица се на возраст од 15-64 години, 31 кај деца на возраст од 0-4 години, 27 кај деца на возраст од 5-14 години и 4 се регистрирани кај лица на возраст над 65 години.

„Се забележува зголемување на бројот на заболувања слични на грип, кој сè уште е под неделната граница за сезонска активност. Резултатите добиени од вирусолошкиот надзор над инфлуенца се под границата на позитивност од 10%. Согласно овие податоци, Р.С. Македонија има спорадична раширеност и низок интензитет на активноста на вирусот на грип.“, стои во извештајот на ИЈЗ.