Гостивар меѓу регионите со најмалку вакцинирани против коронавирус

Заклучно со 1 август, 31% од населението во државата над 18 години е вакцинирано со прва доза вакцина, соопштија здравствените власти.

Според податоците од Институтот за јавно здравје, најголем опфат со една доза вакцина има во градовите Гевгелија 49,4%, Кавадарци 48,7%, Охрид 46,8%, Битола и Неготино 45,1% . Најмалку вакцинирани има помеѓу жителите на Кичево 21,1%, Дебар 20,5%, Тетово 20,9% и Гостивар 19,1%.

Во Гостивар две дози вакцина против коронавирус примиле речиси 12.000 граѓани, додека со една доза вакцинирани се 18.300.

„Апелирам на што поголема заинтересираност за вакцинација. Вакцинацијата е единствен начин да го победиме вирусот и да спречиме понатамошно ширење на истиот во есенските денови, односно во деновите во кои во светски рамки е прогнозиран иден нов бран на делта сојот.“, апелираше министерот за здравство Венко Филипче.