Поврзи се со нас

Гостивар

ГОСТИВАР МОРА ДА ДИШЕ! Гостиварци обединети на протест против Русино

Објавено

на

Четврточното попладне во Гостивар помина во знак на изразување револт против депонијата Русино. Граѓаните во голем број излегоа на мирниот протест што го организираше Граѓанската иницијатива „Стоп Русино – Чист воздух за Гостивар“, обединети во борбата против загадувањето од депонијата и за здрава животна средина на идните поколенија.

Протестот се спроведе со автомобили, поради актуелната состојба со ковид, за да се избегнат поголеми групирања. Започна од кај големиот мост во Дутлок, продолжи по ул „Живко Брајковски“, па по булеварот „Браќа Ѓиноски“ и низ други градски улици.

„Русино гори, капацитет нема иако надлежните ќе кажат дека има! Ѓубриштето трули и тој исцедок ја загадува почвата. Воздухот е загаден, сведоци сме веќе подолг временски период.Локацијата е несоодветна бидејќи е на 800 метри надморска височина и целиот воздух доаѓа во Сушица, Бањица, Гостивар, Форино, Чегране…Русино е тивок убиец одговорен за масовни недокажани убиства!Апелираме и ги повикуваме локалната самоуправа, Министерството за животна средина, инспекторите за животна средина, јавните обвинители во Гостивар да пристапат сериозно кон решавање на проблемот еднаш засекогаш-еколошката катастрофа Русино да се затвори! Да се запре итно горењето на Русино. Да се затрупува секоја недела наместо еднаш на 4 месеци, додека се затвори. Депонијата да се затвори и да се инвестира во санирање на последиците кои таа ги остава. Надлежните итно да с зафатат со наоѓање нова локација за регионална депонија по ЕУ стандарди. Гостивар е домаќински град, бараме домаќински да се управува со отпадот. Гостивар е наш заеднички град и заеднички ќе се бориме да почне да дише. Гостивар мора да дише!“, нагласи Анастасија Дукоска, од Граѓанската иницијатива.

Поддршка за протестот изрази и градоначалникот Арбен Таравари, но рече дека дислокација на Русино во скоро време не е можно да се направи и дека на јавна дебата ќе се дискутира кои и какви чекори реално ќе се преземат.

„Русино е 20 годишен проблем на Општина Гостивар, која е регионална депонија за цел полошки регион. Загрижувачки е, особено последната година, скоро секој втор ден има пожар, загадување на воздухот, непријатна миризба. Од пред 2,5 години ние немаме никакви ингеренции врз депонијата, но мора да се најде некое решение.  Затоа денес, заедно со пратеникот Халил Снопче излеговме да го изразиме нашето жалење и горчина за проблемот со кој се соочуваме и што како локална власт имаме врзани раце за преземање одредени чекори. Таму веќе се спроведува еден проект за уредување и чистење на депонијата. А за дисклокација, како што бараат невладините организации е проблем веднаш тоа да се направи. Претпладне имав состанок со невладиниот сектор и предложив да направиме јавна дебата и да видиме како да ја решиме оваа ситуација која не мрда од место, не оди ни напред, ни назад. Да видиме што реално можеме да направиме“, изјави градоначалникот.

Протестот помина мирно, а го поддржаа граѓани од сите возрасти и националности, со што Гостивар уште еднаш го докажа духот на заедништво и сплотеност за доброто на градот.

Фотогалерија од протестот ТУКА.

Сподели ја веста:
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

Гостиварпред 5 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена