Гостивар: Не мора со автомобил, Полицијата и РСБСП делеа совети и летоци

Во рамки на „ Европската недела за мобилност“ полициски службеници на СВР Тетово-Одделение за внатрешни работи Гостивар и претставници од Републичкиот совет за безбедност на патниот сообраќај поделија флаери со едукативни содржини за правилата и прописите кои треба да ги почитуваат велисипедистите. Со граѓаните поразговараа за бенефитите од алтернативните форми на мобилност, посебно за пешачењето и велосипедизмот.

Алктивноста се спроведе попладнево на булеварот „Браќа Ѓиновски“, во близина на Центарот за култура „АСНОМ“.

Целта на кампањата е да се афирмира, поттикне и поддржи користењето на велосипеди, не само од младите, туку од сите кои имаат можност за тоа и на таков начин да остварат бројни здравствени, еколошки и други општствени бенефити.