„Гостивар не заслужува да се труе, на Русино ќе се посвети посебно внимание“, велат од Иницијативата „Гостивар кој го сакам“

Граѓанската иницијатива „Гостивар кој го сакам“ денес одржа прес конференција на депонијата Русино на која беше потенцирано дека Русино создава алармантна состојба со загадувањето во Гостивар и околината и не исполнува никакви стандарди за депонирање отпад. „Како што може да се види, депонијата работи без никакви критериуми и стандарди, и тоа не само сега, туку цели 30 години. Ако веќе 30 години дишеме загаден воздух, нема да дозволиме нашите деца во иднина да се трујат. Русино, денес собира отпад од 9 општини во северозападна Македонија, но за жал, отпадот се фрла тука, не се третира и гори, создавајќи алармантна состојба со загадувањето на воздухот. На неколку километри одовде се наоѓа Бањичкото поле, кое пред работата на депонијата произведуваше кромид за целиот пазар на поранешна Југославија. Денес, поради загаденоста на почвата од отпадните води од оваа депонија, почвата не е толку продуктивна, културите не се здрави како некогаш, а загубите на локалните жители кои се занимаваат со произвдство на кромид се огромни“, рече Вјолца Бафтиу Зулбеари, член на иницијативата.

Од иницијативата сметаат дека Русино може да стане современа депонија со стандарди, доколку се искористат добрите практики во тој правец.

„Русино од трагедија за нашите сограѓани, може да се претвори во профит. Треба да им се објасни на граѓаните дека од тоа ќе имаме придобивки, ако ги почитуваме стандардите за управување со отпад. Доволно е да се повикаме на успешните практики на земјите кои сега прикажуваат успешни приказни, како што е случајот со Хрватска и Словенија. Затоа ќе се грижиме со решението за нормално функционирање и со стандардите на депонијата Русино, да им дојде крај дури и на дивите депонии. Тие ќе се чистат и веќе нема да се довзоли ѓубре во нашите населби. Локалната власт има надлежност да обезбеди ефективно и безбедно функционирање на депониите согласно барањата за заштита на животната средина. Ве уверуваме дека на Русино ќе се посвети посебно внимание пред и по почетокот на работата во согласност со стандардите за управување со отпад. Гостивар не заслужува да се труе секој ден, нашата посветеност ќе биде максимална во надминување на проблемот со име:Депонија Русино“, истакна Бафтиу Зулбеари.