Гостивар: По напад, препирка и закани во станица завршиле 3 лица

Вчера (28 јануари) во Гостивар, полициски службеници од ОВР Гостивар ги лишиле од слобода М.И.(25) и Ј.К.(35), двајцата од Добри Дол, како и В.Ф.(29) од Гостивар.

„Според пријавеното, околу 5.30 часот на булевар „Браќа Ѓиноски“ тие со патничко возило „опел корса“ му го попречиле патот и физички го нападнале В.Ф.(29) од Гостивар, по што со употреба на сила се обиделе да го извлечат од неговото патничко возило „фолксваген голф“ со скопски регистарски ознаки. Како што е пријавено, при обид да побегне, В.Ф. со возилото тргнал назад и со отворената возачка врата ги соборил напаѓачите, а притоа го оштетил неговото возило. Во врска со настанот, во 16.00 часот во ОВР Гостивар, С.С.(35) од Гостивар пријавил дека околу 12 часот во неговиот дом дошле В.Ф. и И.Ј., физички го нападнале и со закана со остар предмет му одзеле пари. В.Ф., исто така, бил лишен од слобода и по расчистување на случајот против инволвираните ќе следува соодветна пријава.“, соопшти СВР Тетово.