Гостивар
Гостивар подготвен за достоинствено чествување на Богојавление Водици
Привршија сите подготовки за одбележување на големиот христијански празник Богојавление Водици во Гостивар, кој се слави утре на 19 јануари. Деветта година од возобновувањето на традицијата на чествување со литија и положување на светиот крст во Вардар, православните верници заедно ќе се радуваат на празнувањето.
Иницијативниот одбор денес ја одржа последната средба за координација, откако изминатиот период посветено и со љубов работеше на сите неопходни подготовки. Годинешните кумови на Водици, според традициите на денешен ден Водокрст со градскиот крст ги посетија домовите, посакаа здравје и бериќет, и на крај се придружија на средбата во црквата Успение на Пресвета Богородица.
„На сите верници им го честитаме утрешниот голем христијански празник, а воедно и на кумовите им посакуваме здравје, радост и среќно и бериќетно ново господово лето. Денеска кумовите традиционално шетаат со крстот во нивните семејства, со посен ручек, ние пак ја вариме ракијата што утре ќе се дели. Претходно се завршија сите останати подготовки. Утре се покануваат сите верници во 11 часот да дојдат пред Соборниот храм Успение на Пресвета Богородица, затоа што поворката ќе почне од овде и убаво е што повеќе верници да ни се придружат. Од тука сите ќе се упатиме кон Кејот, како што е традицијата секоја година“, рече д-р Никола Петровски, кој е дел од Иницијативниот одбор.
Литијата ќе помине низ централното подрачје на Гостивар и ќе заврши на мостот на Вардар од каде ќе биде извршен чинот на осветување на водите и положување на крстот во реката.
Оваа година за вадење на светиот крст во Гостивар се пријавени околу 35 момчиња.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk