Гостивар-Приведување, пријава за агресивно однесување и напад од куче скитник

Во полицискиот билтен за гостиварското подрачје изминатите 24 часа евидентирани се неколку настани кои ги пренесуваме во продолжение:

Вчера (28 јули) во 21.45 часот во Гостивар, полициски службеници од ОВР Гостивар го привеле Р.И.(23) од Скопје, кој бил баран по потерница врз основа на судска наредба за издржување на затворска казна. Тој бил спроведен во Казнено – поправната установа Затвор Скопје за издржување на казната.

Во 17.45 часот во ОВР Гостивар, 39 годишната гостиварка Х.Х. пријавила дека околу 17.00 часот во нејзината семејна куќа, поранешен сопственик на куќата Б.А. агресивно се однесувал кон неа и ѝ се заканувал. Се преземаат мерки за расчистување на случајот.

Во ОВР Гостивар, 46 годишниот гостиварец Д.Т. пријавил дека на улица „Живко Брајковски“ во Гостивар бил каснат од куче скитник.