Гостивар со рекорден број на невработени магистри

Бројката на магистри на наука во гостиварскиот регион кои чекаат на вработување дојде до неславен рекорд. Според последната евиденција на Агенцијата за вработување, на листата на невработени во Гостивар има 50 магистри, од кои половината се припаднички на женскиот пол. Ова е до сега највисока бројка на невработени со магистерски студии за Гостивар. Лани, годината се заокружи со 38 магистри без вработување.

На листата на невработени актуелно има и двајца доктори на наука, 574 лица со завршен факултет, над 1.700 срединсти. Најголем е бројот на оние со завршено основно или без образование кои ги има 3. 237.

Според возраста, најбројни се две групи на невработени: од 55 до 59 години – 860 и од 25 до 29 години – 774 лица.

Споредено со останатите региони во земјава, гостиварскиот е меѓу петте по вкупната бројка на граѓани без вработување.