Вести
Гостивар сплотен во пораката: Да изградиме еднакво општество и да создадеме еднакви услови
Штафетата на еднаквоста, која се одржа во Гостивар во знак на поддршка на лицата со попречености, сплоти голем број граѓани, активисти, млади луѓе, ученици кои заедно испратија порака дека сите имаат право на соодветни услови за секојдневно функционирање и дека дискриминацијата треба да се заборави засекогаш.
Настанот го организираа здруженијата „Заедно Можеме“ од Гостивар, „Вера“ од Струмица, Ресурсниот центар на родители на децата со посебни потреби, граѓани активисти, водени од гостиварката Билјана Беловинова, докажан хуманитарец.
„Апелирам до сите од секојдневниот политички и општествен живот, родители, пријатели и сите ние, заедно да изградиме еднакво општетсво, да обезбедиме еднакви услови и да научиме како да создаваме совршени односи меѓу нас, да уживаме во харминија едни со други, но и да си помагаме, рече Маргарита Милошеска, координатор на Ресурсниот центар.
Претседателот на Здружението „Заедно Можеме“, Шпенди Салија во своето обраќање се заблагодари на големата поддршка за настанот и нагласи дека во создавањето на еднакви услови во општествто и надминувањето на предрасудите треба да се вклучат сите граѓани и институциите.
Своја порака испрати и Јосиф Мишевски, момче со ретка болест од гостиварско Тумчевиште: „Овде сум за да ги пренесам моите искрени чувства, мотивација, љубов, затоа што тоа е она што на сите ни е потребно. Оваа иницијатива е многу моќна, но не е доволен само еден ден да им се посвети внимание на овие лица и на нивните права за еднаквост со другите. Така треба да биде секој ден“.
Пред присутните на градскиот плоштад, кадешто се заокружи Штафетата на еднаквоста се обратија претседателот на Собранието на Република Македонија, Талат Џафери и градоначалникот на Гостивар Арбен Таравари кои искажаа зборови на поддршка и ангажирање на институциите за решавање на проблемите и предизвиците со кои се соочуваат лицата со попречености.
Настанот го поддржаа и потпретседателот на Собранието Весел Мемеди, градоначалникот на општина Маврово Ростуше, Медат Куртовски, аналитичарот Алберт Муслиу, претставници на различни политички партии од Гостивар, Општинската организација на Црвениот Крст, спортски клубови, музичари, личности од јавниот живот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар