Гостивар и Тетово ќе се гасифицираат за неполни две години

Гасификацијата на Полошкиот регион би требало да се заокружи до крајот на 2018-та година. До тогаш се очекува да биде готов магистралниот гасовод Скопје-Тетово-Гостивар, чија изградба е во тек.

Според најавите кои пристигнаа од денешниот увид на терен, гасот до домаќинствата и стопанските капацитети во полошо, ќе стигне за неполни две години.

„Според нашите пресметки, се очекува овој регион да има потрошувачка помеѓу 80 и 90 метри кубни годишно“, изјави директорот на државната компанија Македонски енергетски ресурси, Крсте Миладинов.

Гасоводот, кој е трет дел од Проектот за изградба на националниот гасоводен систем во Македонија е во вкупна должина од 86 километри. Вредноста на проектот изнесува околу 28 милиони евра, финансиски средства обезбедени преку кредит од германската Дојче банк и Ерсте група.

На увидот на работите на терен, беа премиерот Емил Димитриев, министерот за транспорт и врски Владо Мисајловски и претседателот на ВМРО-ДПМНЕ Никола Груевски.