Трагите од крв во влезот во зградата сведочат за грозоморниот чин во Гостивар

Неделниот ден во Гостивар поминува во вознемиреност и шок од ноќешниот немил настан, во кој е усмртена 78 годишна жена, а нејзината ќерка и зет се тешко повредени. Во влезот на зградата, на ул„Илинденска“ кадешто се случило убиството, трагите од крв сведочат за грозоморниот чин.

Увидот на местото на настанот е завршен, а во зградата каде на четври кат е станот на нападнатото семејство, се собираат роднини и пријатели кои со неверување ја примиле веста за убиството.

Како што информиравме претходно, околу 3.50 часот било пријавено дека во стан во зграда на ул „Илинденска“ во Гостивар има повредени лица со остар предмет. Повредени биле 78 годишната С.Т, 54 годишната С.Р и 60 годишниот Б.Р.  78 годишната жена им подлегната на повредите во болница.

Двете повредени лица биле пренесени на скопските клиники.

Во врска со случајот во 5.45 часот утрово во Гостивар било лишено од слобода 46 годишно лице, за кое постои сомневање за инволвираност.

Надлежните работат на расветлување на поедностите и мотивите.