Гостивар вечерва се гуши во чад!

Гостивар вечерва е обвиен со густ чад, низ целиот град се шири непријатна миризба, а воздухот е тежок за дишење. Граѓаните револтирано реагираат, коментираат и пишуваат по социјалните мрежи, барајќи одговори зошто се случува оваа еколошка катастрофа.

Регионалната депонија Русино, од утрово е зафатена од пожар. На гаснење интервенира гостиварската Противпожарна единица, а испратена е помош и од Тетово.

Загадувањето на воздухот вечерва е очигледно и го чувствуваат сите граѓани, но сепак не може точно да се определи, затоа што мерната станица не дава податоци.