Гостивар: За само неколку дена, шест кривични пријави за дрога и наркотици

Неделата што изминува Надворешната канцеларија за криминалистички работи Гостивар поднесе кривични пријави против шест лица, кои се товарат за сторено кривично дело „неовластено производство и пуштање во промет на наркотични дроги психотропни супстанци и прекурзори“.

Се работи за исход од поединечни случаи кои полицијата ги регистрирала во периодот од април до ноември, минатата година.

Најмладиот осомничен има 19 години, додека возраста на останатите се движи од 25 до 37 години.

Како што информира МВР, при прегледи над нив или во нивни возила, полициските службеници најчесто откривале марухиана, а во два случаи биле најдени и таблети екстази и хероин.

Освен за дрога и наркотици, Надворешната канцеларија за криминалистички работи Гостивар неделава, поднесе кривични пријави и за нелегално приредување на игри на среќа, и нанесување на тешка телесна повреда.