Гостивар
Гостивар завиен во црно по ужасната несреќа која однесе 14 животи
Трагичната сообраќајна несреќа која се случи вчера попладне кај Карпалак, го зави Гостивар во црно. Гостиварци се уште се во шок и неверување од тоа што се случи. Нема зборови со кои може да се опишат болката и голема тага по сограѓаните кои ги загубија животите во несреќата. Загинаа четиринаесет луѓе, а петмина се во тешка состојба и се борат за живот.
Денес и утре се денови на национална жалост, додека Советот на општина Гостивар во 12 часот ќе одржи вонредна седница на која ќе прогласи тридневна жалост.
Градоначалникот Арбен Таравари, ноќеска беше во Скопје да ги посети повредените и да се информира за нивната состојба и изрази сочувство за загинатите. “Денешниот ден е еден од најтешките денови на Гостивар … Во трагичната несреќа, има преживеани, има повредени за кои се молиме … но … исто така има и Загинати! Нека им е лесна земјата! Бог нека им даде сила на семејствата на загинатите за да ги издржат овие страшни загуби! Бог нека ни помогне да бидеме силни во овие моменти на болка, која што е вон секоја имагинација!Гостивар е во жалост“, изјави Таравари.
Според првичните информации, несреќата се случила кога автобус на компанијата „Дурмо Турс“ преминал преку спротивната лента на автопатот, а потоа излетал преку локален пат и се превртел на кров. Синоќа откако местото беше обезбедено започна увид, за кој беше најавено дека продолжува денес. На автобусот ќе се врши вонреден технички преглед. Причините за несреќата ќе се утврдуваат.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
1 Коментар