Гостиварец доби кривична за проневера на околу 4.000 евра, пари на пошта

Надворешната канцеларија за криминалистички работи Гостивар поднесе кривична пријава против 53 годишен жител на Долна Бањица, поради постоење основи на сомнение за сторено кривично дело „проневера во службата“.

МВР соопшти дека, на 2 ноември 2019 во подружница „Македонска пошта“ во Гостивар пријавениот, во својство на насочувач, противправно ги присвоил двата парични вишоци од поштенско место Градец, во износ од 98.300 денари и поштенко место Чегране, во износ од 144.000 денари или вкупна сума од 242.300 денари доверени во службата, а на штета на „Македонска пошта“, подружница Гостивар. На 4 декември 2019, од страна на банка во Гостивар, која е трезорист во служба на „Македонска пошта“, контактирано е со контролорот во „Македонска пошта“ дека постои некој проблем со парични вишоци кои треба да се контролираат, по што е утврдено дека тој ден на работа бил пријавениот.