Гостиварец и‘ дал 10.000 евра на љубовницата, го уценувала со интимни видеа и пораки

Надворешната канцеларија за криминалистички работи Гостивар поднесе кривична пријава против 33 годишниот И.И. и 31 годишната М.И., од село Орашје, општина Јегуновце, поради постоење основи на сомнение за сторено кривично дело „уцена“.

„Во периодот од април лани до април годинава, пријавените повеќе пати уценувале 50-годишен жител на Гостивар дека видео разговорите и разменетите пораки со второпријавената, со која бил во љубовна врска, ќе ги пратат на неговото семејство. Со ваквите дејствија тие го принудиле во неколку наврати да им исплати вкупно 10.000 евра преку брз трансфер на пари.“