Гостиварец кој имал решение за изолација учествувал во сообраќајка

ОВР Гостивар поднесе кривична пријава против 45 годишен гостиварец поради постоење основи на сомнение за сторено кривично дело „непостапување според здравствени прописи за време на епидемија“.

„На 23.03.2021, полициски службеници од ОВР Гостивар констатирале дека лицето било учесник во сообраќајна незгода на ул.„Беличица“ во Гостивар и постапило спротивно на издадено Решение од страна на Државен санитарен и здравствен инспекторат со кое му е определена мерка домашна изолација.“, соопшти МВР.

Кривична за непочитување решение за изолација е поднесена и против жители на Форино на возраст од 39, 49, 65 и 71 година, како и против 40 годишен чегранец. Во сите случаи полициски службеници извршиле контрола и не ги пронашле пријавените во домовите и покрај тоа што имале Решение за изолација од Државниот санитарен и здравствен инспекторат.