Гостиварец се гони кривично за „узурпација на недвижности“

МВР во полицискиот билтен бележи дека Надворешната канцеларија за криминалистички работи Гостивар поднесе кривична пријава против жител на Балиндол, гостиварско, поради постоење основи на сомнение за сторено кривично дело „узурпација на недвижности“.

„Пријавениот, подолг период извршил узурпација на деловен простор, сопственост на ЈП за железничка инфраструктура Гостивар и пред влез на станбена зграда, без дозвола поставил угостителска опрема, попречувајќи го влезот во чекалницата на Железничката станица. Исто така, складирал и отпаден дрвен материјал, а оградил и простор за кој имал склучено устен договор со директорот на Железничка станица Гостивар, на кој месечно му плаќал кирија.“, информира МВР.