Гостиварец со оштетен вид нападнат од куче скитник близу пазарот

Гостиварец, кој е лице со оштетен вид, со редакцијата на Gostivarpress.mk сподели непријатно и за него страшно искуство со напад од бездомно куче.

Според неговото кажување, настанот се случил вчера (22 јули) околу 14 часот, на улица „Панче Попоски“ во близина на големиот градски пазар од каде поминувал со својот личен асистент и се‘ се случило ненадејно и брзо. Кучето се нафрлило врз 49 годишниот Н.Р. и го каснало на десната потколеница. Од поголеми последици го спасиле минувачи, кои помогнале и го отргнале од кучето.

Повредениот гостиварец бил пренесен за лекарска помош во болницата во Гостивар, а случајот е пријавен во полиција.